राजु आचार्य दिप का पाँच मुक्तक

पाँच मुक्तकहरू
मुक्तक -१
आफ्नोलाई पराइ भनेर त सिद्दियौ
व्वाँसाको पाइला गनेर त सिद्दियौ
उचाल्नेले पछार्छ भन्ने बुझ्नु पर्ने हो
उसैको आज्ञाकारी बनेर त सिद्दियौ
मुक्तक -२
इर्ष्या त्यस्तो रोग हो गलाउँछ आफैलाई
अनियन्त्रित बनाएर चलाउँछ आफैंलाई
बेलैमा सुझबुझ हुन सकेन भने जिन्दगीमा
ढाल्न खोज्दा अरुलाई ढलाउँछ आफैलाई
मुक्तक -३
आजकलको माया प्रेम खोटो हुँदोरहेछ
पैसा , हुँदा सम्म नाता मोटो हुँदोरहेछ
स्वार्थ र वासना मिसिएर होला नि है ?
सर सङ्गतको अवधि छोटो हुँदोरहेछ
मुक्तक -४
मायामा मायाको रङ भर्न मन पराउँछु
आफ्नाहरूको नजिक पर्न मन पराउँछु
तिरस्कार कसैले नगर्नु दुईदिने चोलामा
म त अक्षरहरूको खेती गर्न मन पराउँछु
मुक्तक -५
नाटक देखाइ रुनेसँग केही लाग्दैन
कहालिदै शिर छुनेसँग केही लाग्दैन
सुधार्न जति प्रयासहरू गरेता पनि
नियत खराब हुनेसँग केही लाग्दैन
राजु आचार्य दीप
इच्छाकामना-१, चितवन

फेसबुकबाट तपाईको प्रतिक्रिया

Close